Sanjay Raut on Shinde: “तुमची पूर्ण सडलेली भेळ झाली आहे”; ‘मिलावटराम’ शब्दावरून राऊतांचा हल्लाबोल

सर्वोच्च न्यायालयाने दोन दिवसांपूर्वी झालेल्या सुनावणीत विधानसभा अध्यक्षांना सुनावताना शिवसेनेतील दोन्ही गटांमधल्या आमदार अपात्रता प्रकरणावर तातडीने कार्यवाही करण्याचे निर्देश दिले. त्यावरून सेनेच्या दोन्ही गटांमध्ये मोठ्या प्रमाणावर आरोप-प्रत्यारोप चालू आहेत. त्यातच आता मुख्यमंत्री एकनाथ शिंदेंनी ठाकरे गटाच प्रमुख उद्धव ठाकरे यांच्यावर केलेली टीका चर्चेचा विषय ठरली आहे. एकनाथ शिंदेंनी उद्धव ठाकरेंना ‘मिलावटराम’ म्हणत त्यांना टोला लगावल्यानंतर आता खासदार संजय राऊतांनी एकनाथ शिंदेंना खोचक शब्दांत सल्ला दिला आहे.