Uddhav Thackeray on PM Modi:”मोदींचं स्वागत आहे, पण…”; पंतप्रधानांच्या दौऱ्यावर ठाकरेंचे विधान

नुकत्याच झालेल्या दसरा मेळाव्यातून शिवसेनेतील ठाकरे गट व शिंदे गट यांनी एकमेकांवर हल्लाबोल केल्याचं पाहायला मिळालं. उद्धव ठाकरेंनीही आपल्या भाषणातून एकनाथ शिंदे व भाजपाच्या राज्यातील नेतेमंडळांबरोबरच मोदी सरकारवरही टीका केली. मनोज जरांगे पाटलांचं बेमुदत उपोषण व मराठा आरक्षणाचा मुद्दा यावरून विरोधकांसह जरांगे पाटलांनीही सरकारवर हल्लाबोल केला असताना या पार्श्वभूमीवर खुद्द पंतप्रधान नरेंद्र मोदी आज शिर्डी दौऱ्यावर येत आहेत. यानिमित्ताने ठाकरे गटाचे प्रमुख उद्धव ठाकरे यांनी पंतप्रधान नरेंद्र मोदींना एक विनंती केली आहे.