Fadnavis on Viral Video: “एखाद्याला यायचं असेल तर तो व्हिडिओ टाकून येतो का?”; फडणवीसांची प्रतिक्रिया

उपमुख्यमंत्री देवेंद्र फडणवीस यांची मी पुन्हा येईन ही कविता आणि त्यानंतर निवडणुकीतली घोषणा चांगलीच गाजली होती. त्यानंतर गुरुवारी भाजपा महाराष्ट्र या X हँडलने त्यांची ही कविता पोस्ट केली होती. तसंच मी पुन्हा येईन नव महाराष्ट्राच्या निर्मितीसाठी असं कॅप्शनही लिहिलं होतं. ज्यावरुन चर्चा सुरु झाल्या आणि भाजपाने अवघ्या एक तासात ही पोस्ट डिलिट केली. यावर फडणवीसांनी स्वतः प्रतिक्रिया दिली आहे. “एखाद्याला यायचं असेल तर तो व्हिडिओ टाकून येतो का? किती वेडेपणा आहे, डोके ठिकाणावर असले पाहिजे. मुख्यमंत्री एकनाथ शिंदे त्यांचा कार्यकाळ पूर्ण करतील, एकही दिवस कमी नाही. ते मुख्यमंत्री असताना त्यांच्याच नेतृत्वाखाली निवडणुका होतील” अशी प्रतिक्रिया फडणवीसांनी दिली.