Manoj Jarange Maratha Protest: मनोज जरांगेंच्या आंदोलनाची एसआयटी चौकशी!; विधानसभा अध्यक्षांचे आदेश

मराठा आरक्षणाचा प्रश्न महाराष्ट्रात तापला आहे. मराठा आंदोलक मनोज जरांगे पाटलांच्या काही वादग्रस्त वक्तव्यामुळे राज्यातील राजकीय वातावरण तापलं आहे. यामुळे मनोज जरांगेंविरोधात सत्ताधाऱ्यांनी भूमिका घेतली आहे. मनोज जरांगेंना कोणाचं पाठबळ आहे, याची चौकशी करा, अशा मागणीला जोर धरला होता. आज विधिमंडळाच्या अर्थसंकल्पीय अधिवेशनाच्या दुसऱ्या दिवशी आशिष शेलारांच्या या निवेदनानंतर या प्रकरणी एसआयटी चौकशीची घोषणा करण्यात आली.