PM Modi on Gopinath Munde: पंतप्रधान मोदी बीडच्या सभेत गोपीनाथ मुंडेंबद्दल नेमकं काय म्हणाले? | Beed

भाजपा नेत्या पंकजा मुंडे यांच्या प्रचाराच्या निमित्ताने पंतप्रधान नरेंद्र मोदी यांची सभा काल (७ मे) बीडमध्ये पार पडली. या सभेत मोदींनी दिवंगत भाजपा नेते गोपीनाथ मुंडे यांच्या आठवणींना उजाळा दिला. “स्वर्गीय गोपीनाथ मुंडे यांच्यासोबत माझं हृदयाचं नातं राहिलेलं आहे. ते नेहमी माझ्याबरोबर बीड आणि मराठवाड्याच्या विकासासाठी चर्चा करायचे. मला २०१४ मध्ये देशसेवेची जबाबदारी दिली, तेव्हा मी गोपीनाथ मुंडे यांच्यासारख्या सहकाऱ्यांना निवडून दिल्ली घेऊन गेलो होतो. मुंडे यांच्याकडे माझ्यापेक्षाही जास्त अनुभव होता. माझं हे दुर्दैवं राहिलं की, सत्तेत आल्यानंतर काही दिवसांमध्येच मला माझ्या सहकाऱ्याला गमवावं लागलं”, असं मोदी म्हणाले