HSC Result Announced: बारावीचा निकाल जाहीर, मुलींनी पुन्हा मारली बाजी

महाराष्ट्र राज्य माध्यमिक व उच्च माध्यमिक शिक्षण मंडळातर्फे घेण्यात आलेल्या बारावीच्या परीक्षेचा निकाल आज (२१ मे) जाहीर झाला आहे. ९७.५१ टक्के निकालासह कोकण विभाग अव्वल ठरलं आहे. तर यंदाही निकालात मुलांच्या तुलनेत मुलींच्या उत्तीर्णतेचे प्रमाण जास्त आहे. ९२.६० टक्के मुलं, तर ९५.४९ टक्के मुली उत्तीर्ण झाल्या आहेत. महाराष्ट्र राज्य माध्यमिक व उच्च माध्यमिक शिक्षण मंडळाचे अध्यक्ष शरद गोसावी यांनी पत्रकार परिषद घेत ही माहिती दिली आहे.