SSC Result 2024: निकालात कोकण ठरलं अव्वल, राज्यातील २६,६४५ विद्यार्थ्यांना मिळाला ‘ATKT’चा लाभ

SSC Result 2024: महाराष्ट्र राज्य माध्यमिक आणि उच्च माध्यमिक शिक्षण मंडळातर्फे (राज्य मंडळ) घेण्यात आलेल्या दहावीच्या परीक्षेचा निकाल जाहीर करण्यात आला. यंदा दहावीचा निकाल ९५.८१ टक्के लागला आहे. कोकण विभागाने ९९.०१ टक्केवारी मिळवत निकालात बाजी मारली आहे. तर नागपूर विभागाचा निकाल सर्वांत कमी ९४.७३ टक्के लागला आहे. राज्य मंडळाचे अध्यक्ष शरद गोसावी यांनी पत्रकार परिषदेत निकाल जाहीर केला.