“लायसन्स असेल तरी…”; पूजा खेडकर यांच्या आईच्या व्हिडीओबाबत काय म्हणाले पोलीस अधीक्षक?

IAS पूजा खेडकर गेल्या काही दिवसांपासून चर्चेत आहेत. पुणे जिल्हाधिकारी कार्यालयातील गैरवर्तन प्रकरणी जिल्हाधिकाऱ्यांनी अहवाल पाठवल्यानंतर पूजा खेडकर यांची वाशिम येथे बदली करण्यात आली आहे. तसेच पूजा खेडकर यांच्या आई मनोरमा खेडकर या देखील वादाच्या भोवऱ्यात अडकल्या आहेत. मनोरमा खेडकर यांचा एक व्हिडीओ गेल्या काही दिवसांपासून सोशल मीडियावर व्हायरल होत आहे. या व्हिडीओमध्ये मनोरमा खेडकर या एका शेतात हातात पिस्तुल घेऊन शेतकऱ्यांना दमदाटी करत असल्याचं दिसत आहेत. आता या संपूर्ण प्रकरणाबाबत पुणे ग्रामीण पोलीस अधीक्षक पंकज देशमुख यांनी सांगितलं आहे.