Sandeep Deshpande on Amol Mitkari: संदीप देशपांडेंची अमोल मिटकरींवर टीका; वाद आणखी तापणार?

राष्ट्रवादी काँग्रेसचे आमदार अमोल मिटकरी यांनी मनसे अध्यक्ष राज ठाकरे यांच्यावर केलेल्या टीकेनंतर मनसेचे कार्यकर्ते आक्रमक झाले होते. मंगळवारी(२० जुलै) अकोला येथे अमोल मिटकरींच्या गाडीची मनसे कार्यकर्त्यांकडून तोडफोड करण्यात आली. राजकीय वर्तुळात या घटनेचा निषेध केला जात असतानाच मनसे नेते संदीप देशपांडे यांनी पुन्हा अमोल मिटकरींवर टीकास्त्र डागलं आहे.