MNS and Shivsena Controversy: शिवसेना, मनसेतील वाद आणखी तापणार? नेमकं प्रकरण काय?

बीड दौऱ्यावर गेलेल्या राज ठाकरेंचा ताफा उद्धव ठाकरे गटाने शुक्रवारी (९ऑगस्ट) थांबवला. यावेळी राज ठाकरेंविरोधात घोषणाबाजी करण्यात आली. राज ठाकरे यांचे स्वागत ज्या ठिकाणी केलं जाणार होतं त्या ठिकाणी जमावाने सुपाऱ्या फेकल्या, ‘सुपारीबाज, सुपारीबाज’ अशा घोषणा देखील दिल्या. यावेळी मनसे कार्यकर्ते आणि राज ठाकरेंना विरोध करण्यासाठी जमलेले कार्यकर्ते भिडल्याचं पाहायला मिळालं. अखेर पोलिसांनी हस्तक्षेप करून दोन्ही बाजूच्या कार्यकर्त्यांना शांत केलं. यावरून मनसे नेते संदीप देशपांडे आणि प्रवक्ते गजानन काळे यांनी ठाकरे गटाला थेट इशारा दिला आहे.