Jaydeep Apte Arrested: गुजरातचे ठेकेदार महाराष्ट्र लुटत आहेत, जयदीप आपटेचा बॉस कोण?- संजय राऊत

Chhtrapati Shivaji Maharaj Statue Collapsed, Jaydeep Apte Arrested: जयदीप आपटे यास आज ५ सप्टेंबरला न्यायालयासमोर हजर करण्यात येणार आहे. याविषयी बोलताना काही गंभीर दावे खासदार संजय राऊत यांनी केले आहेत. जयदीप आपटेच्या मागे जी शक्ती आहे. ती शक्ती मंत्रालयात आहे ती शक्ती वर्षा बंगल्यावर आहे मालवणात आहे त्याच्यामुळे इतके दिवस जयदीप आपटे हे पोलिसांना चुकवू शकले. पण अखेर शिवभक्तांचा दबाव आणि रेटा होता की त्याला त्याचे बॉस वाचवू शकले नाही छत्रपती शिवाजी महाराजांच्या संदर्भात या राज्यात जे घडलं ते यापूर्वी कधीच घडलं नव्हतं. जयदीप आपटे यांच्यापेक्षा ज्याने त्यांना हे काम दिलं ते बेकायदेशीर होतं. ते सूत्रधार आजही सरकार मध्ये आहेत. त्यांच्यावरती कारवाई कधी होणार? आणि जयदीप आपटेला अटक होण्याआधी सिंधुदुर्ग कोर्टामध्ये त्यांच्या जामिनाची तयारी आठ दिवसापासून सुरू होती. आणि त्या संदर्भात ठाण्यातून सूत्र हालत होते, असं संजय राऊत यांनी पत्रकार परिषदेत म्हटलंय.