Devendra Fadnavis: फडणवीसांच्या कार्यालयात नासधूस करणारी महिला कोण? अक्षता तेंडुलकर म्हणाल्या…

उपमुख्यमंत्री देवेंद्र फडणवीस यांच्या मंत्रालयातील कार्यालयात अज्ञात महिलेने गोंधळ घालत नासधूस केली. यानंतर पोलिसांनी सदर महिला कोण? याचा शोध घेतला. ही घटना गुरुवारी (दि. २६ सप्टेंबर) घडल्यानंतर शुक्रवारी पोलीस त्या महिलेच्या घरी पोहोचले. मात्र सदर महिलेने स्वतःला घरातच कोंडून घेतल्याचे समजते. या घटनेनंतर भाजपा माहिम विधानसभेच्या अध्यक्ष अक्षता तेंडुलकर यांनी माध्यमांशी संवाद साधत असताना सदर महिलेची पार्श्वभूमी सांगितली.