Pune Helicopter Crash: हेलिकॉप्टर क्रॅश प्रकरणी मोठी माहिती; मुंबईला येताना कसा झाला अपघात?

Pune Bawdhan Helicopter Crash: पुण्यातील बावधानमध्ये आज (२ ऑक्टोबर) सकाळी ६.४५ च्या सुमारास हेलिकॉप्टर कोसळल्याची घटना घडली. या घटनेत तिघांचा मृत्यू झाल्याची माहिती हिंजवडी पोलिसांनी दिली आहे. धुके असल्यामुळे बराच वेळ हेलिकॉप्टर आकाशात घिरट्या घेत होतं. त्यानंतर ते क्रॅश झालं आणि जमिनीवर कोसळलं. घटनेची माहिती मिळताच हिंजवडी पोलीस घटनास्थळी दाखल झाले असून पुढील तपास सुरू आहे. मात्र, याच हेलिकॉप्टरने राष्ट्रवादी काँग्रेस अजित पवार गटाचे प्रदेशाध्यक्ष सुनील तटकरे हे प्रवास करणार होते, अशी माहिती सांगण्यात येत आहे.