Sharad Pawar on CM Candidate: पक्षात जोरदार इनकमिंग, शरद पवारांनी सांगितलं कारण

विधानसभा निवडणुकीच्या तोंडावर शरद पवार गटात सध्या जोरदार इनकमिंग होत असल्याचं पाहायला मिळत आहे. शरद पवार सध्या सांगली दौऱ्यावर असून या दौऱ्यादरम्यान ते अनेक स्थानिक राजकीय नेते, आजी-माजी आमदारांच्या भेटीगाठी घेत असल्याचं सांगितलं जात आहे. यानिमित्ताने त्यांनी पत्रकारांशी देखील संवाद साधला.
तेव्हा राजेंद्र देशमुख भाजपातून शरद पवार गटात येण्याच्या तयारीत असल्याबाबत व त्यांनी थेट माध्यमांशी बोलताना तशी घोषणाच केल्याबाबत पत्रकारांनी विचारणा केली असता शरद पवारांनी त्यावर आश्चर्य व्यक्त केलं. त्याचबरोबर मुख्यमंत्रिपदाच्या उमेदवारीवरून विचारलेल्या प्रश्नावर शरद पवार यांनी मिश्कील उत्तर दिलं आहे.