Ratan Tata | रतन टाटा यांचा पाळीव श्वान ‘गोवा’ चा विरहामुळे मृत्यू? शांतनू नायडूने काय सांगितलं?

Ratan Tata Pet Dog: उद्योगपती रतन टाटा यांचं ९ ऑक्टोबर रोजी निधन झालं. रतन टाटा यांचं श्वानप्रेम जगजाहीर आहे. टाटांच्या मृत्यूनंतरही याचा प्रत्यय आला. रतन टाटा यांच्या पार्थिवाचं अखेरचं दर्शन घेण्यासाठी त्यांचा पाळीव श्वान ‘गोवा’ यालाही आणलं होतं. ‘गोवा’ रतन टाटा यांच्या शवपेटीजवळ बसल्याचं चित्र पाहून अनेकांना अश्रू अनावर झाले होते. आता याच गोवाबद्दल एक अफवा सोशल मीडियावर उडाली आहे. रतन टाटा यांचा विरह सहन न झाल्यामुळे गोवा हाही मरण पावला, असा एक संदेश सोशल मीडियावर व्हायरल होत होता. त्याबरोबर रतन टाटा आणि गोवा याचेही फोटोही व्हायरल होत होते. यानंतर मुंबई पोलिसांनी व्हायरल मेसेजची दखल घेतली आहे.