Baba Siddique Murder Case : राष्ट्रवादी काँग्रेस (अजित पवार) पक्षाचे नेते बाबा सिद्दिकी यांची १२ ऑक्टोबर रोजी रात्री गोळ्या झाडून हत्या करण्यात आली. या घटनेमुळे राज्यात मोठी खळबळ उडाली. या प्रकरणात पोलिसांनी काही आरोपींना अटक केली आहे, तर एक आरोपी अद्याप फरार आहे. ज्या दिवशी ही घटना घडली त्याच दिवशी पोलिसांनी दोघांना अटक केली. मात्र, यावेळी एक आरोपी अंधाराचा फायदा घेऊन फरार झाला. दरम्यान, या प्रकरणात आता धक्कादायक माहिती समोर आली आहे. पुण्यातच या हत्येचं नियोजन झालं होतं, आरोपींनी शूटिंगचे प्रशिक्षण घेण्यासाठी कोणते माध्यम वापरले होते याविषयी सुद्धा पोलिसांनी काही विशेष खुलासे केले आहेत.