Tamannaah Bhatia : रणबीर कपूर, कपिल शर्मानंतर आता तमन्ना भाटिया अडचणीत; ईडीकडून चौकशी सुरु

Tamannaah Bhatia : बॉलिवूड अभिनेत्री तमन्ना भाटिया स्त्री २ या चित्रपटातल्या गाण्यानंतर सोशल मीडियावर तुफान ट्रेंड झाली. यापूर्वी लस्ट स्टोरीज, बाहुबली मधील तिची भूमिका अनेकांच्या स्मरणात राहिली होती. याच तमन्ना भाटियाच्या अडचणींमध्ये मोठी भर पडली आहे. कारण ईडीकडून तमन्नाची ( Tamannaah Bhatia ) कसून चौकशी झाल्याची माहिती समोर आली आहे. काही दिवसांपूर्वी तमन्नाला ईडीने समन्स धाडलं होतं. त्यानंतर तमन्नाची गुवाहाटी येथील ईडी कार्यालयात चौकशी करण्यात आली. अभिनेत्री तमन्ना ( Tamannaah Bhatia ) तिच्या आईसह ईडी कार्यालयात पोहचली होती. गुरुवारी दुपारी तिला चौकशीसाठी बोलवण्यात आलं. ज्यानंतर काही तास तिची चौकशी सुरु होती.