भाजपामधील नेत्यांनी पक्ष एक संघ कसा ठेवता येईल हे पहावं. आमच्यात येऊन लुडबुड करून भांडण लावायचे उपद्व्याप करू नयेत. असा इशारा अजित पवार गटाचे आमदार सुनील शेळके यांनी दिला आहे. सुनील शेळके हे प्रसारमाध्यमांशी बोलत होते. मावळ विधानसभा मतदारसंघात शरद पवारांचा छुपा पाठिंबा घेऊन पुरस्कृत उमेदवार उभा करण्याच्या हालचाली सुरू असल्याचं देखील शेळके यांनी म्हटल आहे. याबाबत उपमुख्यमंत्री अजित पवार आणि देवेंद्र फडणवीस यांच्याशी बोलल्याचं त्यांनी सांगितलं.