Lakhan Malik: भाजपाने तिकीट नाकारल्यामुळे आमदार लखन मलिक यांना अश्रू अनावर; म्हणाले…

भारतीय जनता पक्षानेही उमेदवारांच्या दोन याद्या जाहीर करत आतापर्यंत १२१ उमेदवारांची घोषणा केली आहे. मात्र,यामध्ये काही विद्यमान आमदारांना पुन्हा एकदा संधी देण्यात आली आहे, तर काही ठिकाणी विद्यमान आमदारांचे तिकीट कापण्यात आले आहे.यामध्ये वाशीम मतदारसंघात भाजपाने भाकरी फिरवली आहे.विद्यमान आमदार लखन मलिक यांचे पक्ष नेतृत्वाने तिकीट कापले आहे.त्यांच्या जागी आता भाजपाने (BJP) पक्षाच्या अनुसूचित जाती मोर्चाचे प्रदेश सचिव श्याम खोडे यांना वाशीममधून संधी दिली आहे. भाजपानं तिकीट कापल्यानंतर लखन मलिक यांना अश्रू अनावर झाले.