Viral Video: आधी नवऱ्याचा हल्ल्यात मृत्यू; हॉस्पिटलमध्ये रक्ताचे डाग पडले म्हणून महिलेवर जबरदस्ती?

Women Cleans Deceased Husband Blood Stains in Hospital: पतीचा मृत्यू झाल्यानंतर त्याच्या पत्नीला रक्ताचे डाग पडलेला तो पलंग स्वच्छ करायला लावल्याची ही घटना मध्य प्रदेशातल्या दिंडोरी या ठिकाणी घडली आहे. डॉ. रमेश मारवी यांनी छोटीबाई ठाकूर (आया) आणि राजकुमारी मर्कर या दोन्ही कर्मचाऱ्यांना निलंबित केलं आहे. कारण या दोघींनी एका गरोदर महिलेला तिच्या पतीच्या मृत्यूनंतर त्याच्या रक्ताचे डाग असलेला पलंग स्वच्छ करायला ( Woman Cleaning Husband Bed ) लावला. या महिलेने नकार दिला तरीही जबरदस्तीने या महिलेला हे काम करायला भाग पाडलं. त्यानंतर ही कारवाई करण्यात आली आहे.दरम्यान ज्या महिलेला बेड साफ करायला लावला ती पाच महिन्यांची गर्भवती असल्याचं सुद्धा समजतंय. प्रायमरी हेल्थ सेंटर गदासराई या ठिकाणी ही धक्कादायक घटना घडली आहे. यानंतर लोकांनी या व्हिडीओवर संतप्त प्रतिक्रिया दिल्या.