मुंब्र्यात उद्धव ठाकरेंनी छत्रपतींचं मंदिर बांधावं म्हणणाऱ्या फडणवीसांना आव्हाडांचं प्रत्युत्तर

Jitendra Awhad on Chhatrapati Shivaji Maharaj Temple in Mumbra : आमची सत्ता आल्यानंतर प्रत्येक जिल्ह्यात शिवाजी महाराजांचं मंदिर उभारणार अशी घोषणा उद्धव ठाकरेंनी केली. त्यानंतर देवेंद्र फडणवीस यांनी त्यांना प्रत्युत्तर दिलं. फडणवीस म्हणाले, “तुम्ही म्हणता सगळीकडे मी छत्रपती शिवाजी महाराजांचं मंदिर उभारणार, चला तर मग आपण मुंब्र्याला शिवाजी महाराजांचं मंदिर उभारू, तुम्हाला मदत करायला आम्ही तयार आहोत. आमचे मुख्यमंत्री एकनाथ शिंदे यांच्या नेतृत्वाखाली पहिलं मंदिर तिथे उभारु आणि छत्रपती शिवरायांना नमन करू.” फडणवीसांनी उद्धव ठाकरे यांना हे खुलं आव्हान दिल्यानंतर यावर आता महाविकास आघाडीचे नेते व राष्ट्रवादी काँग्रेस पार्टीचे (शरद पवार) आमदार जितेंद्र आव्हाड यांनी उत्तर दिलं आहे.