Loksanvad: मुस्लिम आरक्षण, सत्तासंघर्षाच्या निर्णयाला झालेला विलंब, अभिषेक मनु सिंघवी, Exclusive

Abhishek Manu Singhavi Loksatta Loksanvad Exclusive: भारताचे मावळते सरन्यायाधीश धनंजय चंद्रचूड यांची कामगिरी ९० टक्के अतुलनीय व सर्वोत्तम असली तरी त्यांनी महाराष्ट्रातील सत्तासंघर्षाचा निकाल आपल्या कार्यकाळात न देणे अतर्क्य असल्याची भावना ज्येष्ठ कायदेतज्ज्ञ व काँग्रेस खासदार अभिषेक मनु सिंघवी यांनी रविवारी ‘लोकसत्ता लोकसंवाद’ कार्यक्रमात व्यक्त केली. सरन्यायाधीश चंद्रचूड यांची कारकीर्द, महाराष्ट्रातील सत्तासंघर्षावरील निकालाला लागलेला विलंब, विधानसभा अध्यक्षांकडून आदेशाचे पालन न होणे, काँग्रेस पक्षाची एकूणच भूमिका, मुस्लीम आरक्षणावर पक्षाची भूमिका अशा विविध विषयांवर सिंघवी यांनी मनमोकळेपणे भाष्य केले.