Vinod Tawde vs Hitendra Thakur: हितेंद्र ठाकूर आणि विनोद तावडे एकाच गाडीतून का गेले? Exclusive

Vinod Tawde Controversy Maharashtra Assembly Election 2024 : विरारच्या एका हॉटेलमध्ये भाजपचे राष्ट्रीय सचिव विनोद तावडे पैसे वाटप करत असल्याचा आरोप करत बहुजन विकास आघाडीच्या कार्यकर्त्यांनी हॉटेलमध्ये गोंधळ घातला आहे. भाजप आणि बविआ कार्यकर्ते आपापसात भिडले असून पोलिसांनी हॉटेल सिल केले आहे. आमदार क्षितीज ठाकूर हे घटनास्थळी असून तणाव वाढला आहे. बविआच्या कार्यकर्त्यांनी तावडे यांना घेरून त्यांच्या अंगावरच पैशांची पाकिटे रिकामी केली. दरम्यान, विनोद तावडे आता मुंबईच्या दिशेने रवाना झाले. परंतु, आरोप प्रत्यारोप केल्यानंतर मुंबईच्या दिशेने जाण्याकरता हितेंद्र ठाकूर यांनी विनोद तावडे यांना मदत केली. यावर हितेंद्र ठाकूर यांनी लोकसत्ताशी बोलताना खुलासा केला आहे.