‘आम्हाला थोडा वेळ लागेल’ ; आकडेवारी पाहता ठाकरे गटाच्या Priyanka Chaturvedi यांची प्रतिक्रिया

आज महाराष्ट्र विधानभा निवडणुकीसाठी मतमोजणी सुरु आहे. यादरम्यान महायुतीच्या २०० हुन अधिक जागा आघाडीवर आहेत. हे पाहता ठाकरे गटाच्या राज्यसभा खासदार प्रियांका चतुर्वेदी एआयएनशी बोलताना त्यांची पहिली प्रतिक्रिया दिली आहे. लोकसभा निवडणुकीत १५५ जागा असताना आता महाराष्ट्र विधानसभा निवडणुकीचा हा आकडा पाहता डोळ्यासमोर एक प्रश्नचिन्ह उभं राहिलं आहे की, एवढा फरक कसा काय येऊ शकतो? त्याचबरोबर लाडकी बहीण योजनेचे पैसे देऊनही जनतेत जो आक्रोश होता ते पाहता हा आकडा थक्क करणार आहे. या सर्व गोष्टी पाहता आम्हाला थोडा वेळ लागेल; असे यावेळी प्रियांका चतुर्वेदी म्हणाल्या आहेत. प्रियांका चतुर्वेदी प्रचार करायला जायच्या तेव्हा त्यांना सर्वसामान्य जनता म्हणायची, वोट तर आम्ही तुम्हाला देऊ,पण तुम्ही ईव्हीएमवर लक्ष द्या. त्यामुळे एकंदरीतच लोकसभा ते विधानसभा निवडणुकीचे आकडे पाहता हा निकाल थक्क करणार आहे; असे प्रियांका चतुर्वेदी म्हणाल्या आहेत.