Maharashtra Election Final Results: विधानसभेचं मतदान ते निकाल, कुणाचा ‘स्ट्राइक रेट’ सरस?

Maharashtra Assembly Election 2024 Final Results All Party wise BJP Shivsena Congress : महाराष्ट्र विधानसभा निवडणुकीचा निकाल जाहीर झाला आहे. महायुतीने तब्बल २३४ जागांवर विजय मिळवला आहे. रात्री १२ वाजता हाती आलेल्या अंतिम निकालांनुसार २८८ पैकी २३४ जागांवर महायुतीच्या उमेदवारांनी विजय मिळवला आहे. तर, महाविकास आघाडीने केवळ ५० जागा जिंकल्या आहेत. महायुतीमध्ये भाजपाला १३२, शिवसेनेला (शिंदे) ५७, राष्ट्रवादी काँग्रेस पार्टीला (अजित पवार) ४१ जागा मिळाल्या आहेत. तर, महाविकास आघाडीत शिवसेनेला (ठाकरे) २०, काँग्रेसला १६ व राष्ट्रवादी काँग्रेस पार्टीने १० जागा जिंकल्या आहेत.निवडणुकीचा विजय आणि पराजय हा स्ट्राइक रेटमध्ये मोजण्याची पद्धत गेल्या काही निवडणुकांपासून सुरू झाली आहे. त्यामुळे २०२४ च्या विधानसभा निवडणुकीत कोणत्या पक्षाचा किती स्ट्राइक रेट आहे, हे पाहू.