Maharashtra Election Commission: विरोधकांच्या आरोपांनंतर राज्य निवडणूक आयोगाचं स्पष्टीकरण

महाराष्ट्र विधानसभा निवडणूक झाल्यानंतर जो निकाल लागला त्यावर आता महायुतीमधील पक्ष सोडले तर इतर विरोधक टीका करत आहेत. मविआचे घटक पक्ष, मनसे आणि वंचित बहुजन आघाडी व अपक्षांनीही निकालावर प्रश्नचिन्ह उपस्थित केलेले आहेत. रात्री मतदानाच्या वाढलेल्या आकडेवारीवरून प्रश्न उपस्थित होत आहेत. याविषयी आता महाराष्ट्र राज्य मुख्य निवडणूक आयोगाने सविस्तर माहिती दिली आहे.