EVM Hacking Viral Video: “६३ मतदारसंघात EVM हॅक करायला ५४ कोटी रुपये”; निवडणूक आयोग म्हणतं..

EVM Hacking viral video: महाराष्ट्रात विधानसभा निवडणुकीचा निकाल लागल्यापासून मविआच्या नेत्यांनी ईव्हीएमवर शंका घेण्यास सुरुवात केली आहे. मतमोजणीत अनेक ठिकाणी गोंधळ असल्याची तक्रार उमेदवार करत आहेत. काँग्रेस, शिवसेना (ठाकरे) आणि राष्ट्रवादी काँग्रेस (शरद पवार) पक्षाचे नेते जितेंद्र आव्हाड, रोहित पवार हे ईव्हीएमबाबत अनेक दावे करत आहेत. त्यातच सोशल मीडियावर ईव्हीएम हॅकिंग होत असल्याचा दावा करणारा एक व्हिडीओ व्हायरल झाला. या व्हायरल व्हिडीओवर आता निवडणूक आयोगाने स्पष्टीकरण दिले आहे. तसेच याप्रकरणी मुंबईच्या सायबर पोलिसांकडे गुन्हा दाखल केल्याचेही आयोगाने सांगितले आहे.