Who is Gajabhau: ‘गजाभाऊ अखेर समोर आला’, शॅडो गृहमंत्री म्हणत मोहित कंबोजांवर टीका

X Influencer Gajabhau Slams Mohit Kamboj: भाजपाचे कार्यकर्ते आणि मुख्यमंत्री देवेंद्र फडणवीस यांचे निकटवर्तीय मोहित कंबोज यांनी एक्स या सोशल नेटवर्किंग साईटवरील इन्फ्लूएन्सर गजाभाऊ नावाचे हँडल चालविणाऱ्या व्यक्तीला उघड धमकी दिली होती. कंबोज यांनी गजाभाऊ नावाच्या एका एक्स हँडलला टॅग करून धमकी दिली आहे. कंबोज यांच्या पोस्टमुळे खळबळ उडाली होती. त्यानंतर गजाभाऊ हँडलवरूनही मोहित कंबोजला प्रत्युत्तर देण्यात आले. हा दोन सोशल मीडिया हँडलवरील वाद राजकारणातही पोहोचला होता. शिवसेना (ठाकरे) पक्षाचे नेते संजय राऊत आणि विधानपरिषेदेचे विरोधी पक्षनेते अंबादास दानवे यांनी गजाभाऊ नामक हँडलची बाजू घेऊन भाजपावर टीका केली होती. आता गजाभाऊ हँडल चालविणारा व्यक्ती पहिल्यांदाच समोर आला असून त्याने एक व्हिडीओ पोस्ट करत भाजपा आणि मोहित कंबोज यांच्यावर थेट आरोप केले आहेत.