वाल्मिक कराडला १४ दिवसांची पोलीस कोठडी; युक्तिवादावेळी नेमकं काय घडलं?

.Walmik Karad Sent to Police Custody: गेल्या तीन आठवड्यांपासून महाराष्ट्राच्या राजकारणात एका व्यक्तीचं नाव प्रचंड चर्चेत आलं आहे. सध्या केज पोलिसांच्या अटकेत असणारी आणि १४ दिवसांची पोलीस कोठडी सुनावण्यात आलेली ती व्यक्ती म्हणजे वाल्मिक कराड. बीडच्या मस्साजोगमध्ये सरपंच संतोष देशमुख यांची निर्घृणपणे हत्या करण्यात आली. यामध्ये हात असल्याचा आरोप असणाऱ्यांच्या यादीत वाल्मिक कराडचं नाव सर्वात वर घेतलं जात आहे. घटना घडल्यापासून विरोधकांनी त्यावरून रान उठवलं आहे. अर्थात, स्वत: वाल्मिक कराडनं सगळे आरोप फेटाळले असले, तरी न्यायालयात घडलेल्या युक्तिवादानंतर त्याची १४ दिवसांच्या पोलीस कोठडीत रवानगी करण्यात आली आहे.