Beed Deshmukh Murder Case: संतोष देशमुखांना न्याय मिळावा यासाठी मोर्चा, लेकीची आर्त साद

Santosh Deshmukh : बीडच्या मस्साजोगचे सरपंच संतोष देशमुख यांची डिसेंबर महिन्यात अत्यंत क्रूर पद्धतीने हत्या करण्यात आली. या घटनेचे तीव्र पडसाद हे हिवाळी अधिवेशनातही उमटलेले पाहण्यास मिळाले. मुख्यमंत्री देवेंद्र फडणवीस यांनी याबाबत निवेदन द्यावं लागलं. या प्रकरणात वाल्मिक कराडचा हात आहे असं बोललं जातं आहे. दरम्यान वाल्मिक कराड हा धनंजय मुंडेंचा निकटवर्तीय असून तो ३१ डिसेंबरला शरण आला आहे. मात्र सगळे आरोपी अद्याप पकडेले गेलेले नाहीत. त्यामुळे बीडमध्ये निषेध मोर्चा काढण्यात आला होता. एक महिना होऊन गेला आम्हाला न्याय कधी मिळणार असा प्रश्न संतोष देशमुख यांच्या मुलीने विचारला आहे. तर संतोष देशमुख यांचे बंधू धनंजय यांनी आरोपींना फाशी देण्याची मागणी केली आहे.