Bribe Video: सरकारी अधिकाऱ्यावर नोटांची उधळण; भ्रष्ट अधिकाऱ्याचा लोकांनी माज उतरवला

Money throwing Video Viral: लाच देणं किंवा घेणं, हा कायद्यानं गुन्हा असला तरी काही भ्रष्ट अधिकारी पैसे मिळाल्याशिवाय हालचाल करत नाहीत. याचा फटका सामान्यांना बसतो. मग सामान्य लोक आंदोलनाचे हत्यार उपसतात. गुजरातमध्येही सामान्य लोकांनी आपल्या कामासाठी आंदोलनाचा पवित्रा घेतला. मात्र त्यांनी केलेली कृती आता सोशल मीडियावर चर्चेचा विषय ठरत आहे. एक व्हिडीओ सध्या एक्सवर शेअर होत आहे. ज्यामध्ये सरकारी अधिकाऱ्याच्या अंगावर सामान्य लोक नोटा उधळताना दिसत आहेत. “हे घे, खायचेत तेवढे पैसे खा”, अशा घोषणा देतानाही लोक दिसत आहेत. अधिकारी काम करत नसल्याच्या रागातून ही कृती केल्याचं बोललं जात आहे.