Saif Ali Khan Stabbing Case: आरोपीची बाजू मांडण्यासाठी भर कोर्टात दोन वकिलांची भांडणं

Saif Ali Khan Stabbing Case: बॉलिवूड अभिनेता सैफ अली खानवर १६ जानेवारीच्या मध्यरात्री राहत्या घरी चाकूहल्ला करण्यात आल्याची घटना घडली. तब्बल तीन दिवस पोलीसांची अनेक पथके आरोपीला पकडण्यासाठी प्रयत्न करत होते. अखेर रविवारी (दि. १९ जानेवारी) सकाळी मोहम्मद शरीफुल इस्लाम शहजाद (३०) ऊर्फ विजय दास याला अटक करण्यात आली. आरोपीकडे भारतातील कोणतेही वैध भारतीय कागदपत्र नसल्याची माहिती समोर येत आहे. तसेच तो बांगालादेशमधून बेकायदेशीरपणे भारतात आल्याचा संशय आहे. दरम्यान आरोपीला न्यायालयात हजर केल्यानंतर वांद्रे सत्र न्यायालयात वेगळाच गोंधळ पाहायला मिळाला. आरोपीची बाजू मांडण्यासाठी दोन वकील आपापसात भिडले. अखेर न्यायालयाला या वादात मध्यस्थी करावी लागली.