Panvel Marathi Family Harassed: मराठी माणसाची लायकी नाही म्हणत शिवीगाळ; मनसेचा दणका

Panvel Marathi Family Harassments: पनवेल मधील भोकरपाडा भागातील हिरानंदानी सोसायटीत भाडोत्री कुंटुंबाला त्रास दिला जात असल्याचा आरोप गायकवाड कुटुंबाने केलाय. इथे हे कुटुंब भाड्याने राहत होतं. त्यांचं कॉन्ट्रॅक्ट संपल्यावर ते दुसऱ्या रुमची शोधाशोध करत असल्याने त्यांनी त्या संदर्भात घर मालकाला कळवलं होतं, त्यांच मुल लहान असल्याने घरमालकाने त्यांना रहाण्याची पवरानगी दिली होती, तरीही या सोसयाटीच्या महिला चेअरमन कडून रुम सोडण्यासाठी दबाव टाकला जात असल्याचा आरोप केला गेलाय. शिवाय भांडंण करुन मराठी माणसांची इथे राहण्याची लायकी नाही असं म्हणत शिविगाळ केली गेल्याचं गायकवाड कुटुंबाचं म्हणणं आहे, या वादात गायकवाड यांना हृदयाचा त्रास होऊ लागल्यांने त्यांना रुग्णालयात दाखल करावं लागलं.या घटनेची माहिती मिळताच मनसेने जाब विचारला, मनेसेच्या रायगड जिल्हाध्यक्ष अदिती सोनार व त्यांच्या कार्यकर्त्यांनी मराठी माणसांवर होत असलेल्या अरेरावीचा जाब विचारला, त्यानंतर सोसायटीतल्या इतर मराठी रहिव्याश्यांनीही याच स्वरुपाच्या तक्रारी केल्यात. त्यानंतर वसुंधरा शर्मा चेअरमन ह्या महिलेने सर्वांचीच माफी मागितली आहे व ह्यापुढे एकाही मराठी कुटुंब किंवा भाडेकरू कुटुंबांना त्रास देणार नाही ह्याची कबुली दिली आहे.