नीलम गोऱ्हे यांचा अपमान केल्याने राऊतांच्या फोटोला जोडे मारले; पुण्यात आंदोलक आक्रमक

Neelam Gorhe Vs Sanjay Raut: दिल्लीत ९८ व्या अखिल भारतीय मराठी साहित्य संमेलना दरम्यान ‘असे घडलो आम्ही’ या कार्यक्रमा दरम्यान ठाकरेंच्या शिवसेनेत दोन मर्सिडीज दिल्या की, एक पद मिळायचं, अस वादग्रस्त विधान शिवसेना शिंदे गटाच्या नेत्या उपसभापती डॉ. नीलम गोऱ्हे यांनी रविवारी केलं. या विधानाच्या निषेधार्थ ठाकरे गटाच्या शिवसैनिकांनी पुण्यातील शिवाजीनगर भागातील मॉडेल कॉलनी येथील उपसभापती नीलम गोऱ्हे यांच्या निवासस्थाना बाहेर आंदोलन केले.त्याच दरम्यान ठाकरे गटाचे नेते खासदार संजय राऊत यांनी शिवसेनेच्या नेत्या उपसभापती नीलम गोऱ्हे यांच्याबद्दल आक्षेपार्ह विधान केले.त्यानंतर पुण्यातील शिंदे गटाचे शिवसैनिक अधिक आक्रमक झाल्याचे पाहण्यास मिळत असून अलका टॉकीज चौकात शिवसेना पुणे शहरप्रमुख नाना भानगिरे यांच्या नेतृत्वाखाली संजय राऊत यांच्या विधानाच्या निषेधार्थ आंदोलन करण्यात आले.यावेळी संजय राऊत यांच्या फोटोला जोडे मारून निषेध नोंदविण्यात आला.