महिलांना एसटी प्रवासात मिळणारी सवलत बंद होणार का? प्रताप सरनाईकांनी स्पष्ट सांगितलं

Pratap Sarnaik On ST Bus : महायुती सरकारमधील परिवहन मंत्री प्रताप सरनाईक यांनी काही दिवसांपूर्वी एका कार्यक्रमात बोलताना राज्यातील महिला आणि ज्येष्ठ नागरिकांना एसटीच्या बस प्रवासात दिलेल्या सवलतींमुळे एसटी तोट्यात असल्याचं मोठं विधान केलं होतं. त्यांच्या या विधानामुळे चर्चांना उधाण आलं होतं. त्यामुळे एसटीच्या प्रवासात महिलांना दिली जाणारी ५० टक्के सवलत बंद होणार का? याबाबत चर्चा रंगल्या होत्या. या चर्चांसंदर्भात आज परिवहन मंत्री प्रताप सरनाईक यांनी स्पष्टीकरण दिलं आहे. महिलांना एसटी प्रवासात मिळणारी सवलत बंद होणार नाही. तसेच जेष्ठ नागरिकांना मिळणारी सवलत देखील बंद होणार नसल्याचं स्पष्टीकरण मंत्री प्रताप सरनाईक यांनी दिलं आहे.