विकृताला तरुणीनं स्वत:च घडवली अद्दल, अक्षरशः गयावया करायला पाडलं भाग

पुण्यातील स्वारगेट बस स्थानकात एका तरुणीला फसवून तिच्यावर एका विकृतानं बसमध्ये बलात्कार केल्याची घटना सध्या चर्चेत आहे. या घटनेच्या अनुषंगाने पुन्हा एकदा महिला सुरक्षेच्या मुद्द्यावर विचारमंथन होऊ लागलं आहे. या पार्श्वभूमीवर उत्तर प्रदेशच्या कानपूरमधील एक व्हिडीओ व्हायरल होत आहे. या व्हिडीओमध्ये एका तरुणीनं तिची छेड काढणाऱ्या विकृत व्यक्तीला स्वत:च अद्दल घडवली. एक नाही, दोन नाही तर तब्बल १३ वेळा त्याच्या कानशि‍लात लगावली. हा तरुण नंतर या तरुणीच्या गयावया करत असल्याचा हा व्हिडीओ सध्या चर्चेत आला आहे.