लोखंडी रॉड तापवून शरीरावर चटके; जालन्यातील प्रकरणाने अधिवेशनही तापलं। Shinde & Bhujbal

Jalna Crime News : जालना जिल्ह्यातील भोकरदन तालुक्यातील आणवा या गावात २६ फेब्रुवारी रोजी म्हणजेच महाशिवरात्रीच्या रात्री एक संतापजनक घटना घडली आहे. येथील महादेव मंदिराजवळ एका तरुणाला गावातील काही समाजकंटकांनी जुन्या वादातून अमानुषपणे मारहाण केल्याची घटना समोर आली आहे. या गुंडांनी लोखंडी रोड गरम करून त्या रॉडचे चटके देऊन त्या तरुणाला जिवे मारण्याचा प्रयत्न केला. याप्रकरणी पारध पोलीस ठाण्यात विविध कलमांतर्गत गुन्हा दाखल करण्यात आला होता. घडलेल्या अमानुष मारहाण प्रकरणातील मुख्य आरोपी सोनू उर्फ भागवत सुदाम दौड याला पारध पोलीस ठाणे आणि एलसीबीच्या पथकाने मोठ्या शिताफीने पकडलं आहे. पारध पोलीस ठाण्याच्या हद्दीतील कोदा या गावातून त्याच्या मुसक्या आवळण्यात आल्या आहेत.