“गोळ्या झाडल्या, वडिलांचं डोकं रक्ताने माखलं, डोंबिवलीच्या लेलेंच्या मुलाने सांगितला घटनाक्रम

पहलगाममध्ये दहशतवादी हल्ला झाला आणि महाराष्ट्रासह देशभरातले २६ पर्यटक या हल्ल्यात मारले गेले. पहलगाम या ठिकाणी जे पर्यटक मारले गेले त्यात महाराष्ट्रातल्या सहा पर्यटकांचा समावेश होता. या सहापैकी तीन जण डोंबिवलीचे होते. अतुल मोने, संजय लेले आणि हेमंत जोशी या तीन मावस भावांचा या हल्ल्यात मृत्यू झाला. यानंतर संजय लेलेंचा मुलगा हर्षल याने या हल्ल्याचा थरार सांगितला. जोशी, लेले आणि मोने कुटुंबाने पत्रकार परिषद घेतली. त्यात त्यांनी त्यांना काय सहन करावं लागलं ते सांगितलं.