काँग्रेस खासदार अशोक चव्हाण यांच्या पत्नी अमिता चव्हाणांनी शनिवारी भोकर मतदारसंघातून काँग्रेसच्या अधिकृत उमेदवार म्हणून उमेदवारी अर्ज दाखल केला. त्यामुळे आता विधानसभेसाठी अमिता चव्हाण आणि भाजपचे उमेदवार डॉ. माधवराव किन्हाळकर यांच्यात थेट लढत रंगण्याची चिन्हे आहेत. लोकसभा निवडणुकीत अशोक चव्हाण यांच्याच बळावर काँग्रेसच्या दोन जागा निवडून आल्या होत्या. त्यात स्वत: खुद्द अशोक चव्हाण आणि राजीव सातव यांच्या जागेचा समावेश होता.