प्रशांत ठाकूर भाजपमध्ये प्रवेश करणार

पनवेलचे काँग्रेस आमदार प्रशांत ठाकूर बुधवारी भाजपमध्ये प्रवेश करणार आहेत. मुख्यमंत्री पृथ्वीराज चव्हाण यांनी टोलप्रश्नी दिलेले आश्वासन न पाळल्यामुळे नाराज झालेल्या ठाकूर यांनी भाजपमध्ये जाण्याचा निर्णय घेतल्याचे समजते. शीव पनवेल मार्गावरील खारघर येथे सुरु होणारा टोलनाका हा स्थानिक वाहनचालकांसाठी अन्यायकारक असून हा टोलनाका रद्द करावा अशी त्यांनी मुख्यमंत्र्यांकडे केली होती. ठाकूर यांनी काही दिवसांपूर्वीच आपल्या आमदारकीचा राजीनामा कॉंग्रेस पक्षाच्या वरिष्ठांकडे सुपुर्द केला होता. त्यानंतर प्रशांत ठाकूर भाजपमध्ये प्रवेश करणार असल्याच्या चर्चांनी जोर धरला होता. प्रशांत ठाकूर यांनी सोमवारी पनवेलच्या मार्केटयार्ड येथील सभागृहात पनवेल शहर व तालुका कॉंग्रेस समितीच्या पदाधिकारी व कार्यकर्त्यांच्या बैठकीत स्वत:ची भूमिका मांडली होती.