चावडी: भावी उमेदवार?

वरून म्हणजे नक्की कुठून ?

सातारा शहरात सध्या पाणीटंचाई सुरू आहे. अनेक पेठांमध्ये एकदिवसाआड पाणी येत आहे. तर काही ठिकाणी आठवडय़ातून एक दिवस पाणीकपात केली जाते आहे. दररोज थोडा वेळ आणि कमी दाबाने पाणीपुरवठा केला जातो शहराला पाणीपुरवठा करणारा कास तलावात मोठा पाणीसाठा असतानासुद्धा पाणीकपात का हा सातारकरांना सतावणारा प्रश्न आहे. त्यामुळे नागरिकांच्या रोशाला पालिका प्रशासनाला सामोरे जावे लागत आहे. याबाबत पालिका पाणीपुरवठा विभाग कर्मचाऱ्यांकडे विचारणा केली असता अहो वरूनच पाणी कमी येतंयह्ण असे उत्तर दिले जाते. आता वरून म्हणजे नक्की कुठून हे सातारकरांना अजून कळलेलं नाही. एक मात्र खरे आहे की, वरून पाणी कमी येते असे सांगून कोणीतरी सातारकरांना गंडवत आहे मात्र हे नक्की.

आणखी वाचा

या अपक्ष उमेदवाराला निवडणुकीसाठी अनेक सेवानिवृत्त कर्मचाऱ्यांनी दिली एक महिन्याची पेन्शन

लोकप्रिय मराठी अभिनेत्री दुसऱ्यांदा अडकली लग्नबंधनात; साधेपणाने पार…

ब्रम्हपुरीत विजय वडेट्टीवार यांच्यासाठी सोपी लढत!

नोकरभरतीचा मुद्दा प्रचारात आणणारा काँग्रेस पक्ष तोंडघशी, चंद्रपूर जिल्हा बँकेतील नोकरभरतीला स्थगिती

थेट फडणवीसांसमोरच जोरगेवारांनी व्यक्त केली मुनगंटीवारांवर जाहीर नाराजी… म्हणाले, “मला उमेदवारी मिळू नये म्हणून…”

वसईतील महायुतीमध्ये धुसफूस; शिवसेना, राष्ट्रवादी पक्ष नाराज

मतदान दिनाच्या गमतीजमती!

मराठवाड्यात शिक्षकांकडून संस्थाचालकांचा प्रचार !

शासनाची विवंचना

शासन आपल्या दारी’ या राज्यकर्त्यांचा महत्त्वाकांशी उपक्रम. स्वाभाविकच तो वाजतगाजत झाला पाहिजे असा आग्रह. या उपक्रमासाठी करवीर नगरी सज्ज झाली आहे. मुख्यमंत्री एकनाथ शिंदे येणार असल्याने गटात हुरूप आहे. तीच अवस्था प्रशासनाची. मंगळवारी दुपारी चार वाजता कार्यक्रम असला तरी भर उन्हात २५-३० हजार लोकांना सभास्थळी आणण्यासाठी प्रशासनाची धडपड सुरू आहे. वरून पाऊसकाळाची छाया अन जमिनींवर जनमानसाची गर्दी अशा वातावरणाला सामोरे जाणे तसे आव्हानास्पद तितकेच जिकिरीचे. जोडीला घोंघावणारी आंदोलनाची पडछाया. त्यात थेट मुख्यमंत्र्यांचा कार्यक्रम. त्यावर उपाय म्हणून प्रसिद्धी यंत्रणा जोरदारपणे राबवणे. मग काय नित्यक्रमाने प्रतिदिनी बातम्यांचा रतीब घालणे आलेच. त्यातही मुद्दा एकच कार्यक्रम यशस्वी करावा, बचत गटापासून ते विविध शासकीय लाभार्थी जमवावेत, खानपान, प्रवासव्यवस्था नेटकी करावी वगैरे. तेच ते मुद्दे कितीदा वळायचे ही या यंत्रणेसमोरची विवंचना.

(सहभाग : दिगंबर शिंदे, विश्वास पवार, दयानंद लिपारे.)