Latest Marathi News- Breaking News Today | Read Marathi Batmya from Maharashtra, India ब्रेकींग मराठी न्यूज at https://loksatta.com/

मुंबईत नुकताच लॅक्मे फॅशन वीक साजरा झाला. दर वर्षीप्रमाणे समर कलेक्शनमध्ये सादर होणाऱ्या ब्राईट, फ्लोरल डिझाइन्सऐवजी यंदा ‘मॅस्क्युलिन’ लाइनला डिझायनर्सनी प्राधान्य दिलं. ग्लॅमरस तरीही कम्फर्टेबल ड्रेस यंदा जास्त दिसले. स्त्रीच्या बदलत्या प्रतिमेचं, व्यक्तिमत्त्वाचं ते प्रतीक तर नसेल? फॅशन वीकमधल्या कलेक्शनचा लेखाजोखा मांडतेय मृणाल भगत..
आपला ‘वुमन्स डे’ नुकताच साजरा करून झाला आणि त्यानिमित्त होणारे कार्यक्रमांचे सोपस्कारसुद्धा उरकले. पण सेलिब्रेशनच्या मूडमध्येही इस्थर आणि निर्भया प्रकरणे मनात सलत राहिली. प्रत्येक स्तरातून स्त्रीकडे बघण्याचा दृष्टिकोन बदलत चाललेला आहे, हेदेखील आज प्रकर्षांने जाणवतंय. नुकत्याच मुंबईत झालेल्या ‘काळाघोडा फेस्टिव्हल’मधल्या एका गटाने लोकलमध्ये महिलांच्या डब्यावर दाखवल्या जाणाऱ्या चित्रावर आक्षेप नोंदवला होता. त्यांच्या मते, या चित्रांमध्ये साडी, डोक्यावरून पदर, नाकात चमकी, कानात, हातात आणि गळ्यात सोन्याचे दागिने ही महिलांची प्रतिमा अत्यंत चुकीची आहे. आजची स्त्री आणि तीसुद्धा लोकलमधून प्रवास करणारी, शिक्षण आणि नोकरीसाठी फिरणारी तरुणी आणि लोकलच्या चित्रातील तिची प्रतिमा यात कुठेच मेळ बसत नाही. त्यामुळे तिथे आजच्या तरुण मुलीचे प्रातिनिधिक चित्र लावावे अशी त्यांची मागणी होती. आपल्या लाडक्या चित्रपटांच्या नायिकाही बदलताहेत. हीरोच्या मागे गाणी म्हणत बागेतून फिरणारी मुलगी या बॉलीवूडमधल्या नायिकेच्या प्रतिमेत कमालीचा बदल झाला आहे. स्वत:च्या आणि गावाच्या न्याय्य हक्कासाठी हातात लाठी घेतलेली ‘गुलाब गँग’मधली रज्जो असो किंवा स्वत:च्या हनिमूनला एकटीच जाऊन आपल्या अस्तित्वाचा थांग शोधणारी ‘क्वीन’मधली राणी असो या स्त्रिया स्वतंत्र होत्या. आपले निर्णय स्वत: घेण्याची धमक आणि त्याचे परिणाम सहन करायची तयारी त्यांच्यात होती. ही आणि अशी कित्येक उदाहरणे नुकत्याच प्रदíशत झालेल्या कित्येक चित्रपटांमधून पाहायला मिळाली आहेत.
फॅशन इंडस्ट्री या सगळ्यातून मागे कशी राहील. नुकताच मुंबईमध्ये लॅक्मे फॅशन वीकचा सोहळा थाटात पार पडला. फॅशन वीक म्हटले की लेटेस्ट ट्रेंड्स, स्टाइल्स यांच्या चर्चाना उधाण येते. त्यात हे होते िस्प्रग-समर कलेक्शन. त्यामुळे पेस्टल शेड्स, फ्लोरी गारमेंट्स, फुलाफुलांची डिझाइन्स असे ट्रेंड्स पाहायला मिळतील असा साधारण अंदाज बांधला जातो. पण यंदाचे समर कलेक्शन मात्र या प्रतिमेला छेद देणारे होते. या वेळी कित्येक डिझायनर्सनी ‘मॅस्क्युलिन’ लाइनची डिझाइन्स सादर केली. शार्प, क्रिस्प कट्स, बॉडीसूट्स, जॅकेट्स, ट्राउझर्स असा संपूर्ण कॉर्पोरेट लुक यंदा रॅम्पवर पाहायला मिळाला. रंगाच्या बाबतीतही सफेद, काळा, ब्राऊन, नेव्ही, मेहंदी ग्रीन, ग्रे, मरून अशा काही मॅस्क्युलिन शेड्स पाहायला मिळाल्या. या ट्रेंडबद्दल डिझाइनर पल्लवी सिंघी म्हणाली, ‘आजची स्त्री ही स्वतंत्र आहे आणि याच स्त्रीचे रूप मला रॅम्पवर दाखवायचे होते. त्यामुळे मी स्ट्रक्चर्ड गारमेंट्स सादर केली. ती व्यवहारी आहे. विचारपूर्वक वागते. स्वत:चे निर्णय स्वत: घेते आणि त्याच्यावर ठाम राहते. आणि तिचे हेच व्यक्तिमत्त्व तिच्या पेहरावातून सादर करण्याचा हा प्रयत्न होता.’ या वेळी एका कलेक्शनला शो स्टॉपर म्हणून आलेल्या नेहा धुपियाने म्हटले, ‘दर वेळी डिझाइनर्स आम्हाला लांबच लांब घागरा, साडय़ा नेसायला देतात. हे कपडे घालायला सोयीचे नसतात. पण या वेळच्या लिनन, सिल्क, कॉटनपासून तयार केलेल्या या कलेक्शन्सनी मला थक्क केले. यात ग्लॅमर तर आहेच पण कम्फर्ट पण आहे.’

स्त्री-पुरुष समानता
यंदा फॅशन वीकच्या पहिल्या दिवसाची सुरुवात झाली तीच मुळी ग्रेच्या शेड्सनी. आपल्या कलेक्शनमधून स्ट्रेट फिट ड्रेसेस, ट्राऊझर्स, जंपसूट्स सादर करताना डिझाइनर ध्रुव कपूरने कपडय़ांच्या मल्टीयुझेसला प्राधान्य दिले. त्यामुळे त्याच्या कलेक्शनमध्ये स्कर्ट कम ट्राऊझर्स, कोट्स कम जंपसूट्स असे काही नवीन प्रकार रॅम्पवर पाहायला मिळाले. एकाच ऑफिसमध्ये काम करणाऱ्या स्त्री आणि पुरुषांकडे समान दृष्टिकोनातून पाहायला हवे हे सांगण्यासाठी निखिल थंबीने त्याच्या कलेक्शनमध्ये झिपर्सचा डिटेिलग म्हणून वापर केला. ‘ज्याप्रमाणे झिपर बंद केल्यावर दोन वेगवेगळे भाग एकत्र जोडले जातात. त्याचप्रमाणे जर आपण आपल्या मनातली अढी काढली तर सर्वाना समान नजरेतून पाहणे शक्य होते.’ हा विचार मूळ धरल्याने त्याच्या कलेक्शनमधून क्लीन कट्स, बोल्ड शेड्स आणि टेलर्ड ब्लेझर्स पाहायला मिळाले. लेदरचा वापरसुद्धा त्याने बऱ्यापकी केला होता. वैशालीने तिच्या कलेक्शनमध्ये कॉपरेट लुकची सांगड आसामच्या पारंपरिक टेक्सटाइलसोबत घातली होती. संपूर्णपणे खादीमध्ये तयार केलेल्या या कलेक्शनचे मूळ होते ते त्याच्या जॉमेट्रिक डिझाइन्स आणि इझी गोइंग कपडय़ांमध्ये. तिने आपल्या कलेक्शनमध्ये शॉर्ट्स, असिमेट्रिकल कट्स, जॅकेट्स यांचा समावेश केला होता. त्याचबरोबर नेव्ही, काळा, ग्रीन, जांभळा, ग्रे या शेड्सचा वापर तिने केला होता. यंदाच्या त्याच्या कलेक्शनमध्ये क्रिस्प सूट्स पाहायला मिळाले. पण यासोबत जॅपनीज एम्ब्रॉयडरीचा नजाकतीने वापर करत या मॅस्क्युलिन आउटफिट्सना फेमिनाइन लुक त्याने दिला होता.

मस्क्युलिन कट्स, फेमिनाइन टच
दुसऱ्या दिवशी मात्र या मस्क्युलिनिटीमध्ये रंगांचा आणि िपट्र्सचा समावेश होण्यास सुरुवात झाली. पहिल्या दिवसाच्या अर्दी टोन्सची जागा या दिवशी फ्रेश कलर्सनी घेतली होती. या सर्वात नारिंगी रंगाने आपली जागा सगळ्यात आधी पटकावली. याची सुरुवात झाली आरतीविजय गुप्ताच्या कलेक्शनने. तिने मुघलकालीन मीनाकारी पेंटिंग्सना पिंट्र्सचे रूपडे दिले होते. कॉलर्स, शर्ट्स यांसोबत जॅकेट्स, स्टोल्स, श्रग्सचे लेअिरग करत पल्लवी सिंघीने तिच्या कलेक्शनमधून मॅस्क्युलिन कट्सना फेमिनाइन टच दिला. मॅस्क्युलिन इफेक्ट कायम ठेवण्यासाठी शिखा आणि विनिता या जोडगोळीने मधमाश्यांच्या पोळ्याच्या पॅटर्नचा वापर केला होता. त्यामुळे पेस्टल शेड्सचा वापर करूनसुद्धा त्यांच्या कलेक्शनला जॉमेट्रिक मोटिफ्सनी मॅस्क्युलिन लुक कायम ठेवला होता. फुलांचा संबंध नेहमीच नाजूक लुकशी लावला जातो. पण फुलांचा वापर करूनसुद्धा मॅस्क्युलिन कलेक्शन करता येऊ शकते हे सौरभकांत श्रीवास्तवने आपल्या कलेक्शनमधून दाखवून दिले. लाल, गुलाबी, नारंगी अशा बोल्ड शेड्सचा मेळ काळ्या रंगाशी लावत लुकमधला बोल्डनेस त्याने टिकवून ठेवला. हीच किमया उर्वशी जुनेजानेसुद्धा केली. या सर्वाचा कळस होते ते म्हणजे गौरव गुप्ता आणि मावी किवोम यांचे कलेक्शन. गौरव गुप्ताचे स्ट्रेट फिट गाऊन्स आणि मावी किवोमची स्ट्रक्चर्ड ज्वेलरी यांमुळे ‘मॅस्क्युलिन’ लुकलासुद्धा एक उठाव मिळाला होता. सोनेरी रंग केवळ नजाकत दाखवत नाही तर बोल्डनेससुद्धा दाखवू शकतो हे या कलेक्शनने सिद्ध केले.
आपल्या कलेक्शनमधून दाखवून दिले. लाल, गुलाबी, नारंगी अशा बोल्ड शेड्सचा मेळ काळ्या रंगाशी लावत लुकमधला बोल्डनेस त्याने टिकवून ठेवला. हीच किमया उर्वशी जुनेजानेसुद्धा केली. या सर्वाचा कळस होते ते म्हणजे गौरव गुप्ता आणि मावी किवोम यांचे कलेक्शन. गौरव गुप्ताचे स्ट्रेट फिट गाऊन्स आणि मावी किवोमची स्ट्रक्चर्ड ज्वेलरी यांमुळे ‘मॅस्क्युलिन’ लुकलासुद्धा एक उठाव मिळाला होता. सोनेरी रंग केवळ नजाकत दाखवत नाही तर बोल्डनेससुद्धा दाखवू शकतो हे या कलेक्शनने सिद्ध केले.

जॉमेट्रिक पॅटर्नस
फॅशन वीकचा तिसरा दिवस गाजवला ‘इंडियन टेक्सटाइल डे’ने. प्रतिमा पांडेने ब्राऊन, नेव्ही, मरून या डार्क शेड्सचे लेअिरग बेज शेडशी करत मस्क्युलिन लुक आणि एलिगन्स यांचा मेळ घातला. तर मागच्या सिझनचे जेन नेक्स्टचे डिझाइनर्स अरमान-आयमन यांनी बुद्धाच्या स्पिरिच्युअलिटीसोबत सफेद रंगाचा वापर करत स्ट्रक्चर्ड आउटफिट्स सादर केले. एकूणच टेक्सटाइल म्हटले की येणारा शांतपणा, संयम, निखळ शुद्धता यांचा रॅम्पवरचा वावर यादिवशी दिसून येत होता. त्यामुळे मागच्या दोन दिवसांसारखा कलर्स आणि लुकमधला बोल्डनेस या दिवशी दिसला नाही. साडी म्हटले की सौंदर्य, नाजूकपणा आणि राजेशाही ऐट डोळ्यासमोर येते. पण साडीतून अर्दी, रॉ लुकनी मॅस्क्युलिन स्टाइल मिळवता येऊ शकते हे अनाविलाने तिच्या कलेक्शनमधून दाखवून दिले. निसर्गाशी समरूपता साधणारे, राखाडी, ब्राऊन, बेज शेड्सचा वापर करून लिनन साडय़ांचे सुंदर कलेक्शन सादर केले. ११.११ ब्रँडनीसुद्धा लिनन, कॉटन फॅब्रिक्सचा वापर करून फंकी, रेडी-टू-वेअर कलेक्शन सादर करता येऊ शकत हे दाखवून दिले. पण या वेळी त्यांनीसुद्धा फ्लोरी गारमेंट्स न वापरता जंपसूट्स, शॉर्ट्स, शर्ट्सचा समावेश कलेक्शनमध्ये केला होता. या वेळी अनिता डोंगरेने शार्प आणि स्ट्रेट कट्स गारमेंट्स आणि क्रीम, लाइट पिवळा, सफेद, बेज या शेड्स वापरून एक सुंदर कलेक्शन सादर केले. बोल्डनेस दाखवण्यासाठी नेहमीच ब्राइट शेड्स वापरल्याच पाहिजेत हा समज पुसून काढून जॉमेट्रिक डिझाइन्सनी तिच्या कलेक्शनमधला बोल्डनेस तिने टिकवून ठेवला होता.

ग्लॅमरस
स्त्री आणि ग्लॅमर यांचा फार जवळचा संबंध आहे. आणि आजची तरुणी दैनंदिन जीवनात कॅज्युअल वेअर पसंत करत असेल तरी पार्टीज, समारंभांच्या वेळी मात्र तिला तिच्या लुकमध्ये ग्लॅमर हवे असते. फॅशन वीकच्या चौथ्या दिवशी याच ग्लॅमरस स्त्रीची विविध रूपे उलगडली गेली. पण असे असतानाही पहिल्या तीन दिवसांचा मस्क्युलिन लुक येथेही कायम होता. यादिवशी रजत तंग्री, शुभिका धावडा, शंतनू-निखिल, फरहा संजना, झेन मोस्सी या डिझाइनरनी खास ग्लॅमरस कलेक्शन्स सादर केली. पण प्रत्येकाचा अंदाज मात्र वेगळा होता. रजत तंग्रीने पिवळा, निळ्या, चंदेरी रंगांबरोबर बोल्ड ग्रे एम्ब्रॉयडरीचा वापर केला होता तर, शुभिकाने नारंगी, लाल, जांभळ्या रंगांच्या आउटफिट्सना स्टायलिश ज्वेलरीची साथ दिली होती. शंतनू-निखिलने एलिगन्स आणि गॅमर यांचा मेळ घातला होता तर फरहा संजनाने बोल्ड फ्लेिमगो पक्ष्यांचा वापर करून स्टायलिश कलेक्शन सादर केले.

मल्टीटास्कर तरुणींसाठी
आजची तरुणी ही मल्टीटास्कर आहे. एकाच वेळी जॉब, घर, सोशल लाइफ ती एकत्रितपणे लीलया सांभाळत असते. मग अशा वेळी तिला लांब, फ्लोरी गाऊन्समध्ये अडकवून ठेवण्यापेक्षा तिला तिच्या गरजेनुसार सोयीचे पण तितकेच गॅमरस, स्टायलिश गारमेंट्स देण्याचा प्रयत्न या वेळी डिझायनर्सनी केला होता. त्याचबरोबर आजकाल फक्त पेज थ्री सेलेब्रिटीजच नाही तर सामान्य तरुणीसुद्धा डिझायनर कलेक्शन्सचा आग्रह धरतात. अशा वेळी त्यांच्या नव्याने येऊ पाहणाऱ्या या ग्राहकवर्गाला खूश करण्यासाठी डिझायनर्सनीसुद्धा कंबर कसली आहे हे या वेळच्या शोमधून स्पष्ट लक्षात आले.

आर्किटेक्चरमधून प्रेरणा
आíकटेक्चर नेहमीच मॅस्क्युलिन ड्रेसिंगसाठी एक उत्तम प्रेरणा ठरली आहे. यंदाचे डिझायनर्सचीसुद्धा याला अपवाद नव्हती. लॅक्मेच्या चौथ्या दिवशी पायल खांडेवालने तिचे आर्किटेक्चरिअल प्रपोर्शनवर आधारित कलेक्शन सादर केले. पायलच्या मते, कुठल्याही डिझाइन्सच्या मागे प्रपोर्शनचा रोल सर्वात महत्त्वाचा असतो. जर कुठल्याही कलेक्शनमध्ये प्रपोर्शन नसेल तर त्याचा रिझल्ट चांगला नसतो. पायलच्या कलेक्शनमध्ये सफेद रंग बेस म्हणून वापरून करल ब्लॉकिंग करण्यात आल होत. दिबश्री सामंतानेदेखील तिच्या कलेक्शनमध्ये गावातील घरांवरून प्रेरणा घेऊन कलेक्शन सादर केले. यासर्वात पुढचे पाऊल होते अर्चना कोच्चरचे कलेक्शन. यंदाच्या कलेक्शनसाठी तिने पॅरिसमधील फुलांच्या बागा, आयफेल टॉवर आणि ब्लॅक अँड व्हाइट कलर स्कीम या गोष्टींना प्राधान्य दिले होते. सॅटिन, जॉर्जेट अशा फ्लोई फॅब्रिक्सचा वापर करून बनवलेले स्ट्रक्चर्ड आउटफिट्स शोचे खास आकर्षण होते. ग्रँड फिनालेमध्ये राजेश प्रताप सिंघने कमाल केली. त्याच्या कलेक्शनमध्ये मिरर आणि मेटलचा वापर करून त्याने इल्यूजनचा परिणाम साधला होता. लॅक्मेची ब्रँड अ‍ॅम्बॅसीडर करीना कपूर ग्रँड फिनालेची शो स्टॉपर होती.

सेलिब्रिटींची हजेरी
दरवर्षीप्रमाणे यंदाही सेलिब्रिटींनी या फॅशन वीकला हजेरी लावली. मनीष मल्होत्राच्या ओपनिंग शोची शो स्टॉपर होती सोनाक्षी सिन्हा आणि ग्रँड फिनालेची करीना कपूर. याशिवाय प्रियांका चोप्रा, कंगना राणावत, सुश्मिता सेन, कल्की कोएचलिन, शिल्पा शेट्टी, इलियाना डिक्रूझ, दिया मिर्झा, नर्गिस फक्री, करिश्मा कपूर, नेहा धुपिया, जेनेलिया आदींनी रॅम्पवर हजेरी लावली.
viva.loksatta@gmail.com

बोल्ड अँड ब्यूटिफुल