नांदी लॅक्मे फॅशन वीकची!

फॅशन जगतात मानाचा समजला जाणारा एक महत्त्वाचा फॅशन शो म्हणजे लॅक्मे फॅशन वीक. नेमेचि येतो तसा वर्षांतून दोनदा न चुकता होणाऱ्या लॅक्मे फॅशन वीकचा या वर्षीचा नवा अध्याय ९ मार्चपासून सुरू होणार आहे. प्रस्थापित आणि नवख्या अशा दोन्ही फॅशन डिझायनर्सना एकाच व्यासपीठावर आणणारा लॅक्मे फॅशन वीक १२ मार्चपर्यंत मुंबईत बीकेसी येथील जिओ वर्ल्ड गार्डनमध्ये रंगणार आहे.