हाय फ्रेण्ड्स ! वेलकम टू ‘व्हिवा वॉल’! ही आहे तुमच्या मनातलं सगळ्यांपर्यंत पोहचवायची एक हक्काची जागा. तुमच्या आवडीचे चित्रपट, नाटक, म्युझिक, पुस्तकं, मालिका आणि करंट टॉपिक्स अशा ढेरसाऱ्या विषयांवर आपण बोलणार आहोत. तुम्हीही या वॉलवर लिहू शकता. त्यासाठी तुमचे विचार आमच्याशी जस्ट शेअर करा. त्यासाठी आम्हाला ईमेल करा- viva.loksatta@gmail.com सब्जेक्टलाइनमध्ये – विवा वॉल असं जरूर लिहा.
‘युथ इज इक्वल टू म्युझिक..’ हे समीकरण तुम्हाला मान्य आहे का? येता-जाता, उठता-बसता सतत म्युझिक ऐकणं हे तरुणाईचं एक कॉमन लक्षण आहे. सतत त्यांच्या कानात काही तरी वाजत असतं. त्यासाठी वेळोवेळी वेगवेगळ्या गॅझेटसच्या साहाय्यानं तरुणाई म्युझिक ऐकतेय. त्यांना संगीतातला कोणताही प्रकार वज्र्य नाहीये. रॉक, हिप-हॉप, पॉप म्युझिक, फोक, क्लासिकल, लाइट, गझल, अल्बम्स नि वैविध्यपूर्ण म्युझिक ऐकलं-पाहिलं जातंय. लगोलग ते शेअर केलं जातंय.
या म्युझिकची जादू आहे तरी काय? ते अनेकांचा बिघडलेला मूड घडवतं. कुणी असाइनमेंटस् करताना, कुणी कुणाच्या स्मृती जपण्यासाठी, तर कुणी संगीतप्रेमी म्हणून म्युझिक ऐकतं. कुणी केवळ मालिकेचं शीर्षकगीत किंवा त्यातलं प्रासंगिक गीत आवडतं म्हणून बाकी मालिका न बघता तेवढंच ऐकतात, तर कुणी फक्त टीपी म्हणूनच. मोबाइलच्या कॉलर टय़ूनपासून ते बाइकच्या हॉर्नपर्यंत संगीताचं लोण सगळीकडं पसरलंय. सध्या ठिकठिकाणी होणाऱ्या सांगीतिक कार्यक्रमात तरुणांचा सहभागही लक्षणीय असतो. ते रागदारी मन लावून ऐकतात, तसंच शिवमणीच्या तालावर डोलतात, स्वप्निल बांदोडकरच्या गाण्यावर झुलतात नि ‘लुंगी डान्स’वर धुमाकूळ घालतात. एकुणात काय, तर म्युझिक म्हणजे जणू ‘धूम मचाले धूम’..
सध्या मराठी गाण्यांत ‘टाइमपास’मधलं ‘मला वेड लागले प्रेमाचे’ हे गाणं हिट होतंय. स्वप्निल बांदोडकर ‘माझी गाणी’ या अल्बममधली ‘मंद मंद’, ‘घन आज बरसे’ ही गाणी गाजताहेत. ‘लाइफ इज ब्युटिफुल’ या अल्बममधलं ‘कुछ यारी कुछ मस्ती’ हे स्वप्निल बांदोडकर, योगिता चितळे यांचं गाणंही आवडतंय. वैशाली सामंतचं ‘स्वर पावसात भिजतात’ या अल्बममधलं गाणंही ऐकलं जातंय. एस.पी. बालसुब्रमण्यम यांच्या स्वरातलं ‘निशिगंध’ या अल्बममधलं ‘लहरत लहरत’ हे गाणं श्रवणीय आहे. त्याखेरीज ‘मुंबई पुणे मुंबई’तलं हृषीकेश रानडेचं ‘कधी तू’, ‘झेंडा’मधलं ज्ञानेश्वर मेश्रामचं ‘विठ्ठला’, ‘नामंजूर’ या अल्बममधलं सलील कुलकर्णी-संदीप खरे यांची ‘ही तरुणाई’ ही गाणी अजूनही ऐकली जाताहेत.
िहदी गाण्यांत ‘आशिकी २’मधलं अरिजित सिंगचं ‘तुम ही हो’, ‘यह जवानी हैं दिवानी’तलं रेखा भारद्वाजचं ‘घागरा’, ‘रामलीला’तलं श्रेया घोषाल नि उस्मान मीरचं ‘ढोल बाजे’, ‘फटा पोस्टर निकला हीरो’मधलं अतिफ अस्लमचं ‘मं रंग शरबतों का’ नि ‘चेन्नई एक्स्प्रेस’मधलं हनीसिंगचं ‘लुंगी डान्स’ ही गाणी हिट आहेत.
 इंग्रजी गाण्यांपकी ‘प्रिझम’ या अल्बममधलं केटी पेरीचं ‘ट्र रोअर’, ‘ट्रथ अबाऊट लव्ह’मधलं ‘जस्ट गिव्ह मी द रिझन’ , ‘फन’ अल्बममधलं ‘वुई आर यंग’, ‘मूस’ या अल्बममधलं ‘सम नाइट्स मॅडनेस’, ‘मायलो झायलोटो’चं ‘पॅराडाइज’ ही गाणी युथला आवडताहेत. ‘व्हिवा वॉल’मध्ये तरुणाईनं म्युझिक प्रेम शेअर केलंय..

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

मृण्मयी मराठे
अन्वेषा दत्तानं गायलेली ‘बेनाम ख्वाईशें’ ही गझल खूपच आवडली. या गझलेचे शब्द खूप सुंदर आहेतच, त्याशिवाय तिची चाल नि   पॅपोननं दिलेलं म्युझिक ऐकून खरोखरच तल्लीन व्हायला होतं. एरवी गझल म्हटलं की, कंटाळवाणं वाटतं खरं, पण या गझलमधील प्रत्येक शब्दात एक वेगळाच अर्थ असल्यासारखा वाटतो.

सायली सोमण
मला सगळ्या प्रकारचं म्युझिक ऐकायला आवडतं. सकाळी नवीन गाणी, संध्याकाळी रोमँटिक गाणी नि रात्री इंग्लिश रॉक म्युझिक ऐकायला आवडतं. असाइनमेंटस् करताना अनेकदा नवनवीन कल्पना पटकन सुचत नाही. तेव्हा म्युझिक ऐकल्यानं मूड फ्रेश होतो. कधी कधी नवीन आयडिया सुचूनही जाते. मला ‘राम लीला’मधलं ‘लाल इश्क’ हे गाणं खूप आवडलं. अरिजित सिंगनं ते अतिशय सुंदर गायलंय. या गाण्याचा अर्थ खूप सुंदर आहे नि ते चित्रपटातल्या सिच्युएशनला परफेक्टली सूट होतं. ते ऐकताना मला त्या गाण्याचा व्हिडीयो डोळ्यांसमोर येतो. मला अरिजित सिंगची गाणी खूप आवडतात. खूप छान आवाज आहे त्याचा. एकदम स्वीट नि रोमँटिकही..

शर्वरी फाटक
‘संगीत’ या एका शब्दात किती अर्थ सामावलाय ना.. माझ्या आयुष्यातल्या प्रत्येक क्षणात संगीतानं साथ दिलीय. गाण्यांची गोडी मला आजोबांनी लावली. आजही मला त्यांची आठवण आली की, मी त्यांच्या आवडीची गाणी ऐकते.. असं वाटतं की, ते माझ्याबरोबरच आहेत.. एखाद्या फेल्युअरला सामोरं जाताना मला दोन गाणी ऐकायला खूप आवडतात. ‘मिस्टर इंडिया’तलं ‘जिंदगी की यहीं रीत हैं, हार के बाद ही जीत हैं’ आणि ‘अंदाज’मधलं ‘जिंदगी एक सफर हैं सुहाना..’ ही दोन्ही गाणी मला पुन्हा नव्यानं सुरुवात करायची प्रेरणा देतात.

तन्वी गुणे  
टीव्हीवर ‘टाइमपास’ चित्रपटाचे प्रोमोज बघताना ‘मला वेड लागले प्रेमाचे’ हे गाणं बघितलं. पहिल्यांदा ऐकलं तेव्हाच ते मला फार आवडलं. खरं तर मला संगीताची विशेष आवड नाही, पण मला स्वप्निल बांदोडकरची गाणी आवडतात. ‘टीपी’मधलं हे गाणंही त्याचंच असल्यानं मला ते विशेष आवडलं. स्वप्निल बांदोडकर नि बेला शेंडे यांसारख्या उत्तम गायकांमुळं गाणं ऐकायला तर छान वाटतंच, त्याशिवाय केतकी माटेगावकर आणि प्रथमेश परब यांची शॉर्ट लव्हस्टोरी गाण्यातून पाहतानाही मजा वाटते.

मेघना जाधव
‘राम लीला’तलं शैल हडानं गायलेलं ‘लहु मुह गया’ हे माझं फेव्हरेट गाण्यांपकी एक आहे. मला हे गाणं आवडतं ते त्यातल्या लिरिक्समुळं. हे लिरिक्स एका मस्त रोमँटिक मूडमध्ये घेऊन जातात. शिवाय त्यातलं म्युझिक आपल्याला नाचायला भाग पाडतं. हे गाणं वेगळ्याच ट्रान्समध्ये घेऊन जातं.

आदिती हिंगे
मी कॅनेडियन सिंगर अ‍ॅवरिल लॅविने (Avril Lavigne) ची खूप मोठी फॅन आहे. मला तिची गाणी आवडतात, कारण तिची गाणी मला एक प्रकारची सकारात्मक ऊर्जा देतात. तिची ‘इनोसन्स’, ‘हश हश’, ‘स्माइल’, ‘एनीिथग बट ऑíडनरी’ इत्यादी गाणी मला अतिशय आवडतात. तिची गाणी माझ्या भावालाही खूप आवडतात नि मी तर तिच्या आवाजाच्या प्रेमात पडल्येय.