फेनम स्टोरी: सुरिली मैथिली

इंटरनेटवर एका रात्रीत विविध करामती करत लोकप्रिय झालेले अनेक तरुण चेहऱ्यांची एकच गर्दी आपल्याला सध्या दिसते. या गर्दीत खरोखरच आपल्या कलेच्या जोरावर मेहनतीने इतरांपेक्षा वेगळी वाट निवडणारे आणि त्यांची कला लोकांच्या पसंतीस उतरलेले चेहरे तसे दुर्मीळच. भक्तिसंगीत आणि लोकसंगीताची वेगळी आवड जोपासणारी आणि ते आपल्या भावांच्या बरोबरीने यूटय़ूब वाहिनीवरून प्रेक्षकांपर्यंत पोहोचवणारी बिहारच्या मधुबनी जिल्ह्यातून आलेली तरुण मैथिली ठाकूर म्हणूनच या सनसनाटी गर्दीतही लोकांचं मन जिंकून घेणारी खरी कलाकार ठरली आहे.