थंडीचा नखरा

हुडहुडी भरवणाऱ्या थंडगार वातावरणात गरमागरम, चटकदार आणि स्पायसी फूडची सध्या कॅम्पसमध्ये डिमांड आहे. तळहाताएवढा समोसा आणि बटाटावडा, त्यातील लाल चटणीसोबत तळलेल्या हिरव्यागार मिरच्या, वर सोडलेलं बारीक मीठ अन् त्याच्यासोबतीला एखादी चटणी ही प्रत्येकालाच परवडणारी डिश कॉलेजिअन्सची ऑल टाइम फेव्हरेट. कॅम्पसमधील तरुणांचे खाण्याचे नखरे सध्या खूप वाढलेत. थंडीच्या माहोलमध्ये खाण्यासाठी काही चटकमटक मिळालं नाही तर पुढचं लेक्चर अटेंड करायचं कसं! म्हणूनच कॉलेजिअन्स पोटाची काळजी घेण्यासाठी कॉलेज रोडवर फेमस असणाऱ्या एका छोटेखानी पण चांगल्या टपरीकडे वळतात. कॉलेजिअन्सचा थंडीतील खाण्याचा नखरा सांगतेय,प्रियांका पावसकर
कॉलेजचं हेक्टिक शेडय़ुल्ड सांभाळता सांभाळता थंडी ‘एन्जॉय’ करायची असेल तर कॅम्पसमध्ये टाइमपास या व्यतिरिक्त दुसरा अल्टीमेट पर्याय म्हणजे ‘खवय्येगिरी.’ कारण थंडी म्हटलं की, भुकेची लाट उसळते आणि आपल्या यंगिस्तानकडून तर या काळात भुकेला आग्रहाचं निमंत्रण असतं. मस्त गारव्यात कॅम्पसमध्ये पायपीट झाल्यावर पोटातही कावळे ओरडायला लागतात आणि मग एखादा खवय्या ग्रुप वर्गात शिरल्याबरोबर हाय, करायच्याही आधी ‘आज डब्यात काय आणलंय?’ हे विचारतात. वर्गातली डबा आणणारी सभ्य पोरं यांना खादाड ग्रुप म्हणून हिणवतात.. अर्थात त्याला तसं कारणसुद्धा असतं. शिस्तीत डबा आणणाऱ्यांचे डबे संपवल्यानंतरही या खवय्यांचा मोर्चा पुन्हा कॉलेजच्या कॅन्टीन किंवा नाक्यावरच्या एखाद्या रेस्टॉरंट अथवा धाब्यावर खाण्यासाठी तासन्तास रेंगाळताना दिसतो.
थंडीच्या माहोलमध्ये खाण्यासाठी काही चटकमटक मिळालं नाही तर पुढचं लेक्चर अटेंड करायचं कसं! म्हणूनच कॉलेजिअन्स पोटाची काळजी घेण्यासाठी कॉलेज रोडवर फेमस असणाऱ्या एका छोटेखानी पण चांगल्या स्टोअरमध्ये जातात. जिथे प्रत्येकाच्याच जिभेची मागणी पुरवली जाते. कॉलेज जीवनात अनेक चांगली ठिकाणं फिरूनही त्या फेमस जागेवरील पदार्थ खाण्याचं या खवय्यांना अप्रूप असतं. कॉलेजच्या जवळपास कोणत्याही टोकाला एखादा हॉट आयटम खायला मिळाला तर त्याबद्दल कधी जाऊन कॉलेज कट्टय़ावर सांगतो असं कॉलेजिअन्सना होतं. अशा वेळी थंडीतील भुकेच्या नावावर घरून मिळालेल्या पॉकेटमनीचा पुरेपूर वापर केला जातो आणि मग हे कॉलेजिअन्स कॅम्पसमध्ये आजिबात वेळ न दवडता असं चांगलंचुंगलं खाण्यासाठी त्या चíचत जागेकडे धूम ठोकून हजेरी लावतात.
हुडहुडी भरवणाऱ्या थंडगार वातावरणात गरमागरम, चटकदार आणि स्पायसी फूडची सध्या कॅम्पसमध्ये डिमांड आहे. तळहाताएवढा समोसा आणि बटाटावडा, त्यातील लाल चटणीसोबत तळलेल्या हिरव्यागार मिरच्या, वर सोडलेलं बारीक मीठ अन् त्याच्यासोबतीला एखादी चटणी ही प्रत्येकालाच परवडणारी डिश कॉलेजिअन्सची ऑल टाइम फेव्हरेट. ऑल सिझन डिमांड असणारे चाट पदार्थ थंडीतही कॉलेजिअन्समध्ये भाव खाताएत. चाट आयटमसाठी कॉलेज खवय्यांची वाढती मागणी पाहून पँन्ट्री किंवा छोटेखानी स्टोअर्स मध्येही चाट तयार केले जाऊ लागलेत हे विशेष.
बर्गर हे पदार्थही सध्या खवय्यांमध्ये डिमांडेड आहेत. थंडीमध्ये तर हाच पफ नावाचा पदार्थ कॅम्पसमध्ये चांगलाच जोर धरून आहे. त्यात चीज पफ, मन्चुरियन पफ, पनीर पफ असे अनेक प्रकार चाखावयास मिळेतायेत. बरं हे पदार्थ देताना थंड आहेत, कधीचे आहेत असं म्हणायला वाव नाही. कारण प्रत्येक वस्तू तुम्हाला ओवनमधून गरमागरम मिळते, त्यामुळे कॉलेज खवय्यांची खाण्याची मजा शाबूत राहतेय. या काळात इटालियन, मेक्सिकन खाद्यपदार्थाची चव चाखण्यासाठी कॉलेजिअन्स चायनीज कॉर्नर किंवा नॉनव्हेज रेस्टोमध्येही गर्दी करू लागलेत. कारण स्पायसी फूडचं बेस्ट कॉम्बीनेशन याशिवाय इतरत्र कुठेच नसतं. बेबीकॉर्न, व्हेज मशरूम, थाई, शेजवान, मेक्सिकन व्हेज, रशियन सलाड, ग्रिल्ड चिकन वगरे पदार्थ कॉलेज खवय्यांच्या विंटर स्पेशल फूडच्या हिटलिस्टमध्ये आहेत.
 थंडीच्या दिवसात कॉलेजिअन्सची खवय्येगिरी ही अधिकच वाढलेली असते. या दिवसांत कॉलेजच्या कॅन्टीनमध्ये सर्वकाही मिळतंच असं नाही. त्यामुळे पारंपरिक पदार्थ खाऊन कंटाळलेले कॉलेजिअन्स कॉलेजच्याच शेजारी असलेल्या आवडीच्या रेस्टोमध्ये जात आहेत. आवडता मेन्यू केल्यावर त्यावर मस्त ताव मारून थंडीतली खवय्येगिरी ही मंडळी एन्जॉय करताना दिसत आहेत. थंडीतल्या खादाडीचे अनुभव प्रत्यक्षात जाणून घेण्यासाठी अशाच काही कॉलेजमधील खवय्यांची घेतलेली प्रातिनिधिक झलक.

प्रियांका कदम : गुलाबी थंडीत मस्त गरमागरम चहाचा आस्वाद घेता यावा म्हणून कॉलेजच्या जवळच असलेल्या टपरीवर सकाळी सकाळी उकाळा, मसाला चहा फ्लेवरचा चहा पिण्यासाठी आम्ही गर्दी करतो. पहाटेच्या वेळी कॅम्पसमध्ये चोरपावलाने दाखल झालेली थंडी आमची भूक चाळवल्याशिवाय स्थिर बसत नाही. उलट ती आणखीनच वाढत जाते आणि अर्थात आमची भूकही अधिक वाढते. कॉलेज जवळचा ‘अशोक’ वडापाव आमच्या ग्रुपचा सगळ्यात आवडता. कारण तो परवडणारा तर असतोच शिवाय पोटही भरतं. सोबतच्या फास्ट फूड सेंटरमधली माझी आवडती आंबोळी. आता हे काय! विचारात पडलात ना अहो मसाला डोसा.. पण माझ्यासाठी ती आंबोळीच. कुरकुरीत आंबोळी, आतमध्ये पेरलेली कोरडी चटणी आणि त्यातली लुसलुशीत भाजी.. व्वा ! थंडीतली ही माझी फेव्हरेट डिश. रोज कॉलेजात आल्यावर नित्यनियमाने ठरलेल्या ठिकाणी जाऊन आंबोळी मी न विसरता खाते.

प्रार्थना तांडेल : कॉलेजच्या शेजारीच असलेल्या ‘हाजीअली’ फास्टफूड सेंटरमध्ये आम्हा खवय्यांची रोज गर्दी असते. सातपासून नऊ वाजेपर्यंत लेक्चर अटेंड केल्यानंतर एक ब्रेक तो बनताय बॉस! आणि त्यातून ही थंडी त्यामुळे प्रचंड भूक लागते. आमच्या फेव्हरेट हाजीअली सेंटरमध्ये जाऊन आम्ही वेज पफ, पिझ्झा बेदम ताव मारत खातो. थंडीच्या थंड वातावरणात गरमागरम पदार्थ आवर्जून खावेसे वाटतात. चायनीज टच असलेली वाफाळती ‘सोया चिली’ माझी थंडीत खाण्याची आवडती डिश. खरोखरच हा पदार्थ खाल्ल्यावर अंगातली थंडीही नाहीशी होते असा माझा अनुभव आहे. सोबत बटाटय़ाच्या काचऱ्यांवर रोझमेरी नामक मसालाही मी हाजीअली या माझ्या फेव्हरेट फूड सेंटर मध्ये आवर्जून खाते.

अर्पिता घुडे : सकाळच्या हुडहुडी भरवणाऱ्या थंडीत कॉलेजमध्ये पोहचताच नजर पडते ती समोरच्याच बस स्टॉपशेजारी उभ्या असलेल्या इडलीवाल्या अण्णाकडे. मोठय़ा जरमलच्या टोपामध्ये त्याने जणूकाही मद्रासची खाद्य संस्कृतीच आमच्यासाठी आणलेली असते. केवळ अण्णाकडे खायला मिळावं म्हणून धापा टाकत धावत पळत आम्ही कॉलेजमध्ये पोहोचतो. सकाळी नाष्टय़ालाच नाही तर दिवसभर इथे तोबा गर्दी असते आणि म्हणून थंडीच्या दिवसांत त्याचा भला मोठा टोप अध्र्या तासातच सफाचाक होतो. ‘उक्मा ‘(१० रुपये) अगदी स्वस्त ना! मला दोन वाटय़ा भरून लागतात. त्याचबरोबर इथे इडली वडा (१२ रुपये), उत्तप्पा (१२ रुपये), मसाला डोसा (१५ रुपयांत) मिळतो. स्वस्तात मस्त हा माझा थंडीतला आवडता नाष्टा केल्यानंतर दिवस अगदी आनंदात जातो आणि पुन्हा हुडहुडी भरवणारी आणि भूक चाळवणारी सकाळ कधी येणार याकडे लक्ष लागून राहतं.
* संपादन सहाय्य : प्रभा कुडके
* डिझाइन : संदेश पाटील