गृहमंत्री आर. आर. पाटील यांनी रविवारी सायंकाळी सहाच्या सुमारास मध्य रेल्वेच्या दादर स्थानकास अचानक भेट दिली. पाटील यांनी फलाट क्रमांक सहावर फिरून सुरक्षेचा आढावा घेतला असल्याचे सांगण्यात येते. पाटील यांची ही भेट अकस्मात असल्याचे दादर रेल्वे पोलीस ठाण्यातून सांगण्यात आले.
या भेटीत त्यांनी रेल्वे स्थानकावरील सुरक्षा आणि अन्य बाबींविषयक पोलीस आणि रेल्वे अधिकाऱ्यांकडून माहिती घेतली. पाटील यांची ही भेट नेमकी कशासाठी होती, त्या बाबत अधिक तपशील दादर रेल्वे पोलीस ठाण्याकडून मिळाला नाही.
