ईएसआयसीच्या वरिष्ठ उपसंचालक पदाची सूत्रे बी.पी. पांडे यांच्याकडे

ईएसआय कार्पोरेशनच्या नागपूर उप विभागातील वरिष्ठ उपसंचालक ए.सी. भारद्वाज ३१ जानेवारीला सेवानिवृत्त झाले. त्यांच्या कार्यकाळात नागपूर उपविभागात राबविण्यात आलेल्या विस्तार योजनेत चार नवी केंद्रे सुरू करण्यात आली.
ईएसआयच्या योजनांचा लाभ लाभार्थीना पुरविण्यासाठी त्यांच्या काळात प्रयत्न करण्यात आले. एस.सी. भारद्वाज यांना कार्यालयातील सहकाऱ्यांनी भावपूर्ण निरोप दिला. यावेळी वरिष्ठ उपसंचालक बी.पी. पांडे, उपसंचालक पी. सुदर्शन यांच्यासह कार्यालयातील कर्मचारी उपस्थित होते. भारद्वाज यांच्याजागी आता वरिष्ठ उपसंचालक बी.पी. पांडे यांच्याकडे हंगामी सूत्रे सोपविण्यात आली
आहेत.