दहशतवादी कृत्ये घडविण्यासाठी फार अत्याधुनिक स्फोटके व अन्य साहित्य वापरावे लागत नाही. हैदराबाद स्फोटांनी हे वास्तव पुन्हा एकदा झगझगीतपणे समोर आणले आहे. अवघ्या ५००-६०० रुपयांमध्ये शेकडो लोकांना आयुष्यभर झळ पोहोचविणारा विध्वंसक बॉम्ब बनवता येतो. खरे स्फोटक रसायन आहे ते ‘बहकलेले आणि भडकलेले डोके’. देशविरोधी विचारांनी एकदा माथी भडकली की दहशतवादी कृत्ये करणे तसे सहजशक्य आहे.
हैदराबादच्या दिलसुखनगर येथे झालेल्या दोन बॉम्बस्फोटांत १६ जणांचे बळी गेले. त्या प्रकरणाचा शोध लावून अतिरेक्यांना पकडण्यासाठी आता कोटय़वधी रुपये खर्च होत आहेत. परंतु १६ निरपराधांचे बळी घेणारे हे दोन बॉम्ब प्रत्येकी अवघ्या सहाशे रुपयांत म्हणजे एकूण १२०० रुपयांत तयार करण्यात आल्याची माहिती समोर आली आहे. कारण या बॉम्बमध्ये सुद्घा अमोनियम नायट्रेटचा वापर केल्याचे उघड झाले आहे. या अमोनियम नाटट्रेम्टच्या सहाय्याने अवघ्या ५०० ते ६०० रुपयांत बॉम्ब तयार केला जाऊ शकतो, असे तज्ज्ञांचे मत आहे. अमोनियम नायट्रेट सहज उपलब्ध होऊ शकते. वाहनांच्या इंजिनांमध्ये वापरले जाणारे ल्युब्रिकंट ऑइल या अमोनियम नायट्रेटसोबत वापरल्यास हव्या त्या तीव्रतेचा घातक बॉम्ब तयार होऊ शकतो.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
