बदलते हवामान फळे-पिकांसाठी हानिकारक

* आंब्याचा मोहोर आणि फळांची गळती  
*  खरबूज व टरबुजावर बुरशीजन्य रोग
बदलत्या हवामानाचा परिणाम फळे व पिकांवर होत असून संत्रा बागायतदार हवालदिल झाले आहेत. या बदलामुळे आंब्याचा मोहोर व फळांची गळती होत आहे. ढगाळ वातावरणामुळे खरबूज व टरबुजावर बुरशीजन्य रोगांचा प्रादुर्भाव वाढण्याची भीती आहे. बदलते हवामान भाजीपाला, फळे व पिकांसाठी हानिकारक ठरत आहे. विदर्भात सध्या गहू व हरभरा पिकांची काढणी सुरू आहे. जवळपास ७० टक्के काढणी झाली आहे. उर्वरित ३० टक्के पिकाला या वातावरणाचा फटका बसत आहे. पाऊस अथवा गारपीट झाल्यास गहू व हरभरा पिकांना तसेत संत्रा, डाळिंब व इतर फळांनाही जबर तडाखा बसण्याची शक्यता आहे. वातावरणात वेळोवेळी होणाऱ्या बदलामुळे आंब्याचा दुबार मोहोर व फळांची गळती झाल्याचे बागायतदारांचे म्हणणे आहे.
मार्चमध्ये बागायतदार शेतकरी नवीन पपईची लागवड करीत असतात. ढगाळ वातावरणामुळे फळझाडांवर करपा पडून त्यांचे नुकसान होते. डाळिंबाची फुले गळून पडतात. खरबूज व टरबुजावर बुरशीचा प्रादुर्भाव होतो. गारपीट झाल्यास हरभऱ्यातील घाटे फुटतात. गेल्या पंधरवडय़ात रिसोड तालुक्यात गारपीटमुळे हरभरा पिकांचे मोठे नुकसान झाले होते. शेतक ऱ्यांना शेतात फुटून पडलेले हरभरे गोळा करावे लागले होते, तशी परिस्थिती उद्भवण्याची भीती शेतक ऱ्यांना वाटत आहे. गेल्या काही दिवसांपूर्वी झालेल्या वादळामुळे नागपूर जिल्ह्य़ात संत्रा उत्पादकांचे मोठय़ा प्रमाणात नुकसान झाले. वादळामुळे गळून पडलेला संत्रा बाजारपेठेत विक्रीसाठी आला आहे. बदलत्या हवामानामुळे नुकसान झालेल्या पिकांना भरपाई द्यावी, अशी मागणी शेतकऱ्यांनी केली आहे.

आणखी वाचा

मुंबईत ढगाळ वातावरणाची शक्यता

Pompeii: २५०० वर्षांपूर्वी भारतीय लक्ष्मी इटलीमध्ये कशी पोहोचली?

लोकशिवार : ऊस शेतीमध्ये कृत्रिम बुद्धिमत्ता

वातावरणातील बदलांमुळे साथींचे आजारही बारमाही? हिवताप, डेंग्यू, लेप्टो, इन्फ्लुएन्झाचा धोका सदासर्वकाळ?

बदलत्या हवामानामुळे नारळ उत्पादन घटले, श्रीफळ (नारळ) महागले

स्थलांतरातून बहरलेली खाद्यसंस्कृती

मानव-वन्यजीव संघर्ष कमी करण्याचा मार्ग चंद्रपुरातूनच – वनमंत्री

कुत्सित बोलणी ते ‘मॅडम के खेत की मिरची’…अनुष्का जयस्वालचा यशस्वी प्रवास